Federata Shqiptare e Futbollit është kthyer katër vite pas në kohë, pikërisht në 6 qershorin e 2016, atëherë kur ekipim largohej nga Bergamo i shoqëruar nga shumë tifozë dhe nga kryeministri Edi Rama. Kuqezinjtë e De Biasit drejtoheshin në Francë, aty ku do të zhvillonin ndeshjet finale për EURO 2016. Kombëtarja ia doli të mposhtte Rumaninë, ndërsa veç lojës së mirë nuk ia doli të grumbullonte pikë me Zvicrën dhe Francën.
“Largimi nga Bergamo i përcjellë nga kryeministri Rama dhe nga tifozë të shumtë. Pritja zyrtare nga përfaqësuesit e bashkisë së Perros-Guirec. Stërvitja e parë në kampingun kuqezi të kombëtares”, shkruan FSHF.