Kalvin Phillips largohet nga Manchester City dhe transferohet te një tjetër skuadër në Premier League. Mungon vetëm zyrtarizimi i anglezit te skuadra e re. Është pikërisht West Ham që ka siguruar shërbimet e Phillips, i cili në ditët në vijim do të prezantohet te “Çekanët”. Në fakt të dyja klubet kanë rënë dakort për huazimin e ti deri në fund të këtij sezoni. 28-vjeçari këtë sezon ka luajtur me “Qytetarët” në 10 ndeshje në të gjitha garat dhe ka shënuar vetëm 1 gol. Ndërkohë ka kontratë të vlefshme me citizenët deri në qershor të vitit 2028. Kujtojmë se West Ham është një prej skuadrave që po këmbëngul më shumë për transferimin e Armando Brojës gjatë merkatos së janarit dhe mbetet të shihet në ditët në vijim nëse sulmuesi shqiptar do të jetë afrimi i radhës për “Çekanët”.

BREAKING: Kalvin Phillips has agreed to join #WHUFC. Talks between the Hammers and #MCFC over the terms of a loan move are at an advanced stage. - talkSPORT sources understand More on our website ☞ https://t.co/PVsrFYaGqs pic.twitter.com/P3ZPv7ADHZ

— talkSPORT (@talkSPORT) January 23, 2024