Erik ten Hag do jetë trajneri i ri i Manchester United për sezonin e ardhshëm. Ky vit është për t’u harruar, pasi nuk u fitua asnjë trofe dhe e vetmja gjë që “Djajtë e Kuq” po garojnë në kampionat, është për të siguruar një vend në Europa League.
Megjithatë me ardhjen e trajnerit aktual të Ajax, gjërat pritet të ndryshojnë. Për këtë ka folur optimist dhe Ronaldo, i cili gëzon kështu tifozët duke dhënë shenja qëndrimi pasi kontrata i përfundon verën e vitit të ardhshëm. Gjithçka mbetet të shihet në vijim, pasi deri tani po flitet shumë për vendosjen e ten Hag në kryen e kampit të United.
Fjala e Cristiano Ronaldos:
“Çfarë di për të është se ka bërë punë fantastike për Ajaxin, dhe që është trajner me eksperiencë. Por duhet t’i japim atij kohë. Gjërat duhet të ndryshojnë në mënyrën që ai don. Shpresoj të kemi sukses, sigurisht, sepse, nëse ka sukses, të gjithë në Manchester do kenë sukses gjithashtu. I uroj gjithë të mirat. Jemi të lumtur dhe emocionuar, jo vetëm si lojtarë, por dhe si mbështetës të United. I uroj gjithë të mirat dhe le të shpresojmë se sezonin tjetër, do fitojmë trofe”, u shpreh Ronaldo.
Loading ...
