Ermal Barushi, arbitri i Superiores është ende duke shijuar disa ditë pushimi në qytetin e Korçës me familjen e tij, bashkëshorten dhe dy fëmijët, përpara fillimit të kampionatit.
Por Ermali në këtë foto duket se është krah një balerine të vërtetë. Dhe ka pse të krenohet. Eshtë pikërisht vajza e tij, Vanesa Barushi, aktualisht 15 vjeçe, dhe studion në Shkollën e Baletit prej pesë vitesh.
Më parë nuk ka folur ndokush për talentin e adoleshentes, e cila u prezantua në spektaklin e TV Klan “Virtuozët”, drejtuar nga sopranoja Inva Mula.
Vanesa Barushi, vajza e arbitrit, u shfaq e talentuar në skenë dhe mori komplimentat e jurisë e duartrokitjet e spektatorëve.
Talenti i saj, sikurse u tha në insertin e spektaklit u vu re që në moshën 4 vjeçare ku ajo luhatej mes muzikës e pikturës, por më pas e ndau mendjen për balet.
Madje edhe në këtë foto me babain e saj, Ermal Barushi, duket sikur po vallëzon në krahët e të atit. Dhe arbitri, ka me se të krenohet, sot dhe në vitet në vazhdim. Vajza e tij e talentuar, ka një karrierë të gjatë përpara.
Loading ...
