Anglia do të përballet me Francën ditën e shtunë për çerek-finalet e Kupës së Botës. Tashmë çdo ndeshje është një finale dhe spektakli sa vjen e rritet. Një duel interesant në këtë ndeshje është ai mes Kyle Walker dhe Kylian Mbappe. Mbrojtësi anglez ka folur për mediat në konferencën para ndeshjes.
“Kam luajtur disa herë kundër tij, është një lojtar fantastik dhe nuk do të jetë një detyrë e lehtë por si një lojtar profesionist ti do që të luash kundër më të mirëve. Unë e di se çfarë duhet të bëj, ta ndaloj me cdo kusht por është e lehtë ta thuash e ndryshe ta bësh.
Por, unë nuk e nënvlerësoj veten time, kam luajtur përballë shumë yjeve. Duhet ta trajtoj si ndeshje të rradhës. Duhet t’i tregoj respekt por jo dhe aq shumë pasi ai po luan kundër Anglisë dhe ne të hapim probleme.
Mendoj se ndeshja është Angli – Francë e jo Angli – Mbappe. E respktojmë por nuk do t’i hap tapetin e kuq e ta lejoj të shënojë. Po përfaqësoj vendin tim në cerek-finalet e Botërorit, është jetë a vdekje. Ai nuk do të qëndrojë në rrugën time për të fituar Kupën e Botës me vendin tim.”- u shpreh futbollisti i Man City.
Lexo gjithashtu
