Situata e Gledi Micit te Kukësi nuk është më e njëjtë, por çështja është agravuar më së tepërmi dje, kur në një faqe në “Facebook” me emrin e lojtarit, është bërë një shkrim, ku ai akuzon të gjithë te verilindorët.
Por, kjo është hedhur poshtë nga vetë futbollisti, i cili ka kontaktuar me “newsport.al” dhe është shprehur se nuk ka asnjë lidhje me atë profil në “Facebook”. “Ajo është faqe që është keqpërdorur nga njerëz që nuk i di kush janë. Unë ndodhem me pushime në Jalë dhe nuk kam në plan të merrem me gjëra pa vlerë. Kaq mund të them për momentin”, është shprehur fieraku që luan në krahun e majtë.