Vllaznia do të luajë ditën e sotme një ndeshje delikate përballë Partizanit. Shkodranët pas fitores në transfertë ndaj Kukësit kërkojnë të marrin fitoren edhe përballë skuadrës kampione. Në orën 17:00 në "Loro Boriçi" do të luhet një nga supersfidat e sotme dhe para fillimit të ndeshjes për "Supersport" ka folur administratori Suad Lici.
"Kemi bërë deri më tani një nisje shumë të mirë dhe sot mendoj do të jetë një ndeshje e rëndësishme, por jo deçizive. Unë mendoj që ne kemi punuar gjatë gjithë kohës pas dënimit nga Disiplina. Nuk është në kulturën e Shkodrës të gjuajmë me shishe dhe unë i bëj thirrje tifozëve të mbështesin skuadrën. Unë mendoj se nuk do t'i zhgënjejmë pasi do të bëjmë një paraqitje pozitive ndaj ekipit kampion.
Unë jam këtu nga sporti dhe nga ajo që më kanë sporti mua. Jo vetëm unë, por çdo qytar i Shkodrës e ka për detyrë ta çoj Vllazninë aty ku e takon. Privatizimi nuk është pjesë e imja, por e Këshillit Bashkiak dhe do të ishte mirë që të merrej nga privati. Vllaznia ka qenë korrekt me pagat dhe është klubi i vetëm i legalizuar. Në momentin që do dali ligji i sportit unë mendoj se do të vijnë shumë sponsorë për të marrë drejtmin e skuadrës. Qëllimet kryesore i kemi për sezonin tjetër dhe ne duhet të rrijmë me këmb në tokë. Nuk kam pse ta vë skuadrën në presion. Është bërë një grup i mirë dhe besoj se do të marrim rezultate pozitive".
Lexo gjithashtu
