Kristal Abazaj ishte një nga lëvizjet e bujshme që ndodhi në vendin tonë pak muaj më parë. Ish-sulmuesi i Luftëtarit u ble nga Skënderbeu, skuadër ku nuk luajti asnjë ndeshje për të kaluar më pas në Belgjikë te Anderlehti.
Edhe pse askush nuk dyshon në aftësitë e elbasanasit, në kampionatin belg 22-vjeçari është gjendur disi në vështirësi për shkak se nuk po gjen dot vend si titullar në skuadrën e re. Në këto kushte, drejtuesit e klubit të Anderlehtit kanë gjetur një formulë.
Duke patur parasysh se askush nuk dëshiron ta spostojë Abazajn apo të lojtarë të tjerë te skuadra e të rinjve, është menduar të zhvillohen disa miqësore me ekipet e kategorisë së dytë dhe të tretë në Belgjikë. Lojtarët do kenë mundësinë të mos humbasin formën e tyre fizike dhe mbi të gjitha të bindin trajnerin për të marrë më shumë minuta me Anderlehtin.