Elvis Plori u emërua ditën e sotme si drejtori sportiv i ri i Vllaznisë. Klubi shkodran njoftoi në llogarinë e tyre në rrjete sociale ngritjen në detyrë të Plorit që këtë sezon mbante postin e trajnerit të ekipit U-21 me të cilët u shpall kampion në këtë grupmoshë.
Elvis Plori është njeri i familjes dhe që nga sezoni 2020-2021, u bë pjesë e Vllaznisë si zv. trajner i Thomas Brdaric. 44-vjeçari ka mbajtur edhe pozitën e trajnerit të parë duke bërë që në 4 vitet e tij te kuqblutë të ketë ndryshuar 4 herë detyrën, por gjithmonë duke dhënë kontribut për shkodranët.
Kjo ka bërë që ish-lojtari i njohur i Vllaznisë, Klodian Duro, të thumbojë në rrjete sociale drejtorin e ri dhe klubin e Vllaznisë teksa “parashikon” që sezonin 2024-2025 do të jetë Estrada e Ballshit Vllaznia.
