Në një lidhje direkte për Supersport, kapiteni i Skënderbeut Orges Shehi ka folur për situatën në skuadër, polemikat e trajnerit Daja me Salihin dhe fundin e karrierës, për të cilën ende nuk ka vendosur.
“Kur vjen fundi i kampionatit, vetë objektivat janë të qartë. Në këtë periudhë të sezonit kemi qenë mjaft efikas duke marrë maksimumin. Kështu shpresojmë dhe për nesër. Me Partizanin në fazën e parë kemi dominuar ndërsa në ndeshjen e dytë nuk dhamë sa duhet. Shpresojmë të fitojmë ndaj rivalëve.
E kam thënë dhe më parë në mediat lokale, në skuadër ka karaktere të ndryshme. Nuk ka patur debate mes Salihit dhe Dajës, jo ashtu si u komentua. Këtë e konfirmoi edhe trajneri por dhe vetë Salihi.
E kam thënë dhe para disa javësh, pas Europianit isha me një dilemë të madhe, por kanë qenë një grup i afërt i imi, sidomos Bozhiqi dhe drejtuesit e klubit, me të cilët do të diskutojmë për të gjetur zgjidhjen më të mirë për të gjithë”, ka deklaruar Shehi.
Loading ...
