Tirana do të luajë në datën 6 korrik në transfertë kundër Dudelange, ndeshje e vlefshme për turin e parë të Champions League. Kjo sfidë është mjaft e rëndësishme për bardheblutë që do të tentojnë të shkojnë më tej.
Edhe pse fillimisht u prit me ovacione në kampin kryeqytetas, bastet kanë publikuar koeficientët e këtij takimi teksa Tirana shihet si jofavorite për të fituar. Vendasit kanë mundësi më të madhe për të triumfuar, megjithatë fusha e blertë do të japë verdiktet përfundimtare.
Skuadra luksemburgase vlen rreth 2.3 milionë euro sipas "Transfermarkt", ndërsa kampionët e Shqipërisë 6.3 milionë euro. Edhe pse shifrat flasin në favor të bardhebluve, duhet theksuar një fakt që deri më sot s'është përmendur. Dudelange ka një buxhet vjetor prej 15 milionë eurosh në sezon. Kurse, një klub shqiptar shkon në vlerat 1.5-2 milionë euro.
Siç shihet diferencat janë të mëdha në shifrat që drejtuesit shpenzojnë për pagat e lojtarëve, akomodimet, transfertat dhe gjithçka përfshin një sezon futbollistik. Edhe pse në vlerë kartonësh, Tirana triumfon, me rëndësi është buxheti vjetor. Kjo është arsyeja kryesore se pse Dudelange është favorit në baste.
Por, fusha e blertë dhe cilësitë e organikës së ekipit kryeqytetas me siguri do të bëjnë diferencën në këtë ndeshje të parë europiane. Për më tepër, ndeshja e kthimit do të luhet në "Air Albania", ku pritet një stadium i tejmbushur nga tifozët bardheblu.
Lexo gjithashtu
