Luka Modriç është drejt fundit të karrierës, megjithatë nga Arabia Saudite është ofruar një kontratë e majme për të. Ylli kroat që ka bërë një karrierë të jashtëzakonshme, mund të transferohet pikërisht larg Europës. Siç raporton “OK Diario”, kroati ka vënë në dijeni Realin për ofertën prej 120 milionë eurosh që i është ofruar nga Arabia Saudite.
Pritet të shihet se çdo të ndodhë, me Modriç që është gjithmonë kryefjalë e medieve në çdo sesion merkatoje. Kroati ka shkëlqyer me madrilenët duke lënë gjurmët e tij në historinë e këtij klubit.
Kontrata e tij me Realin përfundon në 30 qershor dhe kishte shprehur hapur dëshirën për të qëndruar edhe një vit tjetër. Mirëpo këtë herë duket se do të preferojë të vijojë aventurën larg Spanjës. Modriç ka fituar 23 tituj kampionë në 10 sezone me Realin, duke përfshirë edhe Champions League. Tanimë oferta arabe e ka tunduar për të provuar një tjetër aventurë.
Lexo gjithashtu
