Drejtori i klubit serb, OFK Beograd, Dushan Petkovic është arrestuar nga policia, apsi është kapur me 115 kilogram kokainë. Në një operacion droge të udhëhequr nga “EUROPOL” në bashkëpunim me policinë serbe u arrestua edhe një ish- futbollist serb i cili u kap me hiq më pak se 115 kilogramë kokainë.
Sipas asaj që raportohet në mediat serbe përveç tij u arrestuan edhe 7 persona të tjerë. Gazeta “Blic”, ka shkruar se Petkoviq bashkë me kolegët ka ndihmuar organizimin e transportit të kokainës që u kap dhe që ishte 115 kilogram e të cilat po barteshin prej Amerikës së Jugut në Belgjikë. Kjo sasi e drogës të cilën ish-futbollisti serb po ndihmonte ta transportonin u kap në qytetin Arlon. Anëtarët e tjerë të organizatës kriminale sipas policisë janë ende në kërkim.
Grupi dyshohet edhe për prodhim dhe shpërndarje të paligjshme të lëndëve narkotike. Hetimet janë ende në vazhdim. Sipas zyrës së prokurorit publik, kokaina e gjetur në Arlon do të çohej në Trier nga një transportues mallrash gjermane dhe më pas në Londër për t’u rishitur. Petkovic është aktualisht drejtor sportiv në klubin serb OFK Beograd. Ende nuk ka asnjë koment nga klubi. Për këtë rast kanë shkruar edhe mediat gjermane ndër to edhe prestigjiozja “Bild”.
Lexo gjithashtu
