Fran Garcia është lojtari më i ri i Real Madrid. Gjigantët spanjoll kanë mbyllur marrëveshjen me Rayo Vallecanon dhe rikthejnë në shtëpi mbrojtësin e talentuar. Mbrojtësi i majtë është prodhim i akademisë Los Blancos dhe madrilenët kanë ruajtur një klauzolë riblerjeje prej 5 milionë eurosh kur e shitën te Rayo Vallecano.
23-vjeçari ka shkëlqyer këtë sezon me Rayon, ku luan edhe mbrojtësi i Kombëtares Ivan Balliu, dhe shihet ndër talentët më premtues në Spanjë. Garcia ka qenë titullar absolut në plot 38 nga 38 ndeshje të kampionatit duke shënuar 2 gola e 3 asiste.
Real Madrid ka njoftuar në rrjete sociale zyrtarizimin e lojtarit i cili ka pozuar me fanellën e tij të re dhe prezantimi para tifozëve në stadium pritet të bëhet gjatë pasdites së sotme.
View this post on Instagram
