Eglentin Gjoni ka mbyllu aventurën e tij me Llapin në Superligën e Kosovës. Qendërmbrojtësi u transferua në fillim të sezonit në Kosovë, por problemet me dëmtimin në gju kanë bërë që klubi dhe lojtari të arrijnë akordin për prishjen e kontratës.
Njoftimi është bërë nga klubi I Llapit që bën me dije edhe largimin e Gjonit. 28-vjeçari pritet të nisë një aventurë të re ku nuk përjashtohet edhe rikthimi në Superligën shqiptare.
Postimi i Llapit:
Gjoni largohet nga Llapi!
Me marrëveshje të dyanshme është ndërprerë bashkëpunimi me qendërmbrojtësin Eglentin Gjoni
Podujevë, 6 janar 2020 – KF Llapi njofton se pas marrëveshjes së arritur ndërmjet drejtuesve të klubit dhe qendërmbrojtësit Eglentin Gjoni, palët kanë ndërprerë bashkëpunimin, i cili ishte i vlefshëm edhe për pjesën e mbetur të këtij edicioni.
Duke qenë në dijeni se futbollisti gjatë periudhës së qëndrimit tek KF Llapi ishte përballur me lëndimin e gjurit që i pamundësonte rikthimin në fushat e blerta, K.F. Llapi dhe Eglentin Gjoni e panë të arsyeshme dhe më korrekte të përmbyllnin marrëveshjen para kohe.
Shumë suksese në karrierë Gjoni!
Loading ...
