Turbina nuk ka ndërmend të ndalet në merkato. Ditën e sotme skuadra cërrikase ka bërë me dije se Anteo Osmanllari është larguar nga skuadra. Mbrojtësi ka gjetur akordin me klubin për prishjen e kontratës dhe është larguar drejt Superligës shqiptare.
Lajmi është konfirmuar nga Turbina që bën me dije se mbrojtësi në pjesën e dytë të sezonit do të luajë në Superligë, por emri i skuadrës së re nuk bëhet me dije.
Te Turbina nuk mendojnë vetëm për largime, por edhe për afrime. Pak minuta më parë, skuadra e Kategorisë së Parë bëri zyrtare afrimin e Jurgen Jaku. 21-vjeçari vjen nga Partizani dhe luan si mbrojtës dhe mesfushor I krahut të djathtë.