Te Besëlidhja besojnë te qëndrimi në Kategorinë e Parë. Pas zyrtarizimit të Artan Banos, në Lezhë ka nisur puna për të përforcuar organikën me elementë cilësorë.
Së fundmi, pjesë e ekipit është bërë Enrik Nikolli. 17-vjeçari luan si mesfushor dhe me cilësitë e treguara ka bindur stafin teknik me në krye lushnjarin Bano.
Besëlidhja aktualisht gjendet në vendin e fundit të Kategorisë së Parë me vetëm 10 pikë. Pritet me interes të shihet se si do të reagojnë në Lezhë pas emërimit të Banos në krye të skuadrës.
