Besir Demiri nuk është më pjesë e Dinamos dhe do kalojë te Shkupi, kampion në Maqedoninë e Veriut. Blutë sezonin që vjen do luajnë në Kategorinë e Parë, me disa nga yjet e skuadrës që janë larguar. Tanimë Dinamo zyrtarizon edhe largimin e 27 vjeçarit, që sezonin e shkuar në Superligë ishte titullar i padiskutuar.
“FC Dinamo njofton mbylljen e bashkëpunimit me Besir Demirin. Pas negociatave të zhvilluara, klubi blu ka gjetur gjuhën e përbashkët me skuadrën e Shkupit dhe mesfushori 27-vjeçar do të vijojë karrierën në vendlindje.FC Dinamo e falenderon Demirin për kontributin në skuadër dhe i uron suksese në karrierë”, njofton Dinamo.
