Barcelona i ka komunikuar Federatës spanjolle se skuadra e parë do të luajë ndeshjet në shtëpi të sezonit të ardhshëm në Estadi Olimpic Luis Companys në Montjuic me kapacitet 56 mijë vende, informacion që Federata tani do të duhet t’i komunikojë UEFA-s. Kjo është raportuar nga EFE, e cila shpjegon se e gjithë kjo është për shkak të punimeve të rinovimit të Camp Nou që do të fillojnë në verë.
Espai Barça do të quhet stadiumi i ri multifunksional që pritet të sjellë fitime marramendëse për katalanasit dhe do të jetë hapja e një epoke të re. Një projekt 1.5 miliard euro që do të vihet në zbatim në verë dhe pritet të përfundojë në vitin 2026.
