Geraldo Bajrami, mbrojtësi kuqezi 22-vjeçar, i ka dhënë fund aventurës së tij me klubin anglez, Kidderminister, pas vetëm një sezoni në këtë klub. Me anë të një postimi në profilin e tij zyrtar në Instagram, mbrojtësi shqiptar i jep lamtumirën skuadrës angleze.
“Stafit, shokëve të skuadrës, tifozëve dhe të gjithëve që janë të lidhur me Kiderminister, faleminderit për këtë vit të mrekullueshëm që unë kalova në këtë klub.
Ne kaluam shumë eksperienca të bukura përgjatë sezonit, veçanërisht me rrugëtimin në Kupën FA. Dua t’iu uroj më të mirën të gjithëve për sezonin e ardhshëm. Klubi do të ketë gjithmonë një vend të veçantë në zemrën time”, shkroi mbrojtësi shqiptar, Geraldo Bajrami.
Loading ...
