Skuadra e Elbasanit nuk ka afruar zyrtarisht asnjë lojtar për sezonin e ri 2016-2017. Por me shumë gjasa afrimi i parë për verdheblutë do të jetë portieri Shkëlzen Ruçi. Ruçi pasi ka përfunduar kontratën me Bylisin tashmë është një lojtar i ri. Pritet vetëm e "bardha mbi të zezë", pasi sipas "Sport Ekpres" palët kanë rënë parimisht dakord. "Gardiani" pritet të vihet nën urdhrat e Muharrem Dostit, kur të nisin përgatitjet për sezonin e ri. Drejtuesit e ekipit elbasanas po projektojnë për skuadrën e tyre, lojtarë që kanë luajtur edhe më parë për ngjyrat e ekipit verdheblu, të cilët aktualisht janë lojtarë të lirë. Duhet theksuar që në kampionatin Shqiptar ka shumë lojtarë që kanë luajtur me skuadrën e Elbasanit, por për momentin nuk bëhen emra të ditur. Ditët në vijim do të na tregojnë si do të rrjedhin ngjarjet për verdheblutë e Elbasanit.
[gallery columns="1" size="full" ids="14783"]
Lexo gjithashtu
