Portieri i Kukësit Stivi Frashëri ka gjetur qetësinë dhe sigurinë te ekipi verilindor. Me nënkampionët e Shqipërisë, 28-vjeçari është njëri prej portierëve më të vlerësuar të kampionatit shqiptar. Në një prononcim për “RTSH Sport”, Frashëri theksoi se faza përgatitore e zhvilluar në Turqi e ka ndihmuar jashtëzakonisht shumë ekipin.
“Përshtypjet e fazës përgatitore në Turqi? Ishin ndeshje që na ndihmonin poër ecurinë tonë dhe të rrisnin nivelin tonë. Arritëm të përfitonim në këto dy ndeshje atë që donim.
Rivaliteti për titullin? Besoj se kemi rivalë të denjë si Partizani, Skënderbeu dhe Teuta. Shpresojmë të marrim maksimumin ndaj tyre.
Ecuria e sezonit? Për mendimin tim dy fazat e dyta do të jenë më të vështira, sepse ekipet e fillojnë të studiojnë njëra-tjetrin. Nuk e kam provuar shijen e kampionit, por me Kukësin këtë sezon titulli do të ishte ‘qershia mbi tortë’.
Të qenit lojtar stabël te Kukësi? Që në momentin që kam ardhur te Kukësi, kam kaluar momente shumë të mira, që kur fitova postin e titullarit. Jam ndjerë mirë dhe i vlerësuar. Nuk e kam mendjen te ndonjë rekord i veçantë, megjithëse po ndodhi do të ishte një kënaqësi e veçantë. Ekipi ka ecuri shumë të mirë, mbrojtja dhe porta japin siguri dhe kjo na bën të ndihemi mirë”, deklaroi Frashëri.
Loading ...
