Vllaznia është drejt plotësimit të grupit për sezonin e ri. Shkodranët kanë qenë shumë të lëvizshëm deri tani teksa kanë ndryshuar thuajse të gjithë ekipin. Ndërhyrja ka patur me shumicë në çdo repart, por trajneri Memelli u ka kërkuar edhe një sulmues tjetër drejtuesve, kjo pasi Bujar Hajdari nuk i ka plotësuar pritshmëritë në stërvitje.
‘Futbolli në Shqipëri’ raporton se Vllaznia ka nisur kontaktet me Remzifaik Selmani, i cili u largua nga Partizani. Sulmuesi u afrua te Partizani në merkaton e janarit por një dëmtim i rëndë e la jashtë fushave deri në përfundim të sezonit.
Me ardhjen e Zoran Zekic në stol, Selmani nuk ka gjetur hapsira për asnjë minutë në ndeshjet europiane duke qenë jashtë planeve të kroatit. Në këtë mënyrë ai u komunikoi drejtuesve dëshirën për t’u larguar dhe më pas erdhi edhe ndërprerja e kontratës.
Lexo gjithashtu
