Gledi Mici i dha fund dje dilemave se ku do transferohej në këtë merkato vere. Mbrojtësi fierak zgjodhi të veshë fanellën e Skënderbeut, ndërsa në arkat e klubit të Kukësit shkuan 30 mijë euro që korçarët paguan për kartonin e lojtarit.
Por, Mici ishte pranë transferimit te Partizani, ndërsa prej ditësh përflitej që do nënshkruante me të kuqtë. Por një gjë e tillë nuk ndodhi dhe kjo për arsye se "demat" besonin më shumë seç duhej se mbrojtësi i majtë do të zgjidhte Partizanin para Skënderbeut.
Edhe Sulejman Starova kishte deklaruar më parë se Mici do të vinte te të kuqtë, madje pa paguar asnjë qindarkë. Por një gjë e tillë ishte e pamundur të ndodhte, pasi Kukësi nuk do ta lejonte një gjë të tillë.
Ndoshta, një gjë e tillë tregon edhe një herë se transferimi i Micit te Partizani nuk u krye edhe për shkak të "mendjemadhësisë" së të kuqve për mënyrën se si e trajtuan këtë çështje.
Lexo gjithashtu
