Lojtarët e Kukësit kanë kryer ditën e sotme testin për COVID-19, në prag të ndeshjes ndaj Wolfsburgut që do të luhet të enjten në “Air Albania Stadium”.
Skuadra verilindore ndodhet e grumbulluar në qytetin e Elbasanit, ndërsa përgjigjet do të dalin ditën e nesërme. Veç lojtarëve, tamponin e kanë bërë të gjithë pjesëtarët e stafit teknik dhe organizativ të ndeshjes.
“Ekipi ka kryer sot testin e Covid 19, në prag të ndeshjes ndaj Wolfsburg! Ekipi i grumbulluar në qytetin e Elbasanit, i është nënshtruar kontrollit, teksa përgjigjet pritet të dalin ditën e nesërme.
Krahas futbollistëve, tamponin e kanë kryer edhe stafi teknik dhe stafi organizativ i ndeshjes duke respektuar çdo protokoll të ardhur nga UEFA.
Skuadra jonë luan ditën e enjte ndeshjen e turit të dytë kualifikues ndaj Ëolfsburg në stadiumin “Air Albania””, shkruhej në njoftimin e klubit verilindor.
Loading ...
