Vllaznia për herë të parë pas 5 dekadash do të luajë në Kategorinë e Parë. Takimi i parë do të jetë në shtëpi ndaj Korabit të shtunën në orën 16-të. Ndeshja do të luhet në stadiumin “Loro Boriçi”, që më në fund vendoset se ku do të luhet ky takim, pasi ishte e diskutueshme, ngaqë do të luajnë kombëtaret e moshave në impiantin e kuqebluve.
Në Shkodër ende nuk e kanë “kapërdirë” rënien një kategori më poshtë dhe tashmë nuk ka asnjë mënyrë tjetër, veçse për ta nisur këtë sezon me fitore dhe trajneri Hasan Lika e ka gati skuadrën për ta nisur mbarë vitin e ri futbollistik.
“Ndeshja Vllaznia- Korabi e vlefshme për javën e parë të kampionatit të kategorisë së parë, do të luhet të shtunën në orën 16.00 në stadiumin “Loro Boriçi”. Klubi Vllaznia ka marrë të gjitha masat për mbarëvajtjen e kësaj ndeshje. Kjo do të jetë ndeshja e parë për kuqeblutë dhe dëshira, njëkohësisht edhe objektivi, është për ta nisur me fitore. Skuadra ka kohë që përgatitet për këtë gjë dhe tashmë mbetet vetëm për ta konkretizuar në fushën e lojës. Kuptohet që presim edhe mbështetjen e sportdashësve tanë është shumë e rëndësishme në këtë aspekt. Prandaj dhe presim që ata të jenë pranë skuadrës në mënyrë që ta nisim mbarë kampionatin e ri së bashku”.
Loading ...
