Vllaznia-Tirana ishte një nga supersfidat e kësaj jave të Kategorisë Superiore. Ndeshja e luajtur në "Loro Boriçi", u mbyll me rezultatin 1-2 në favor të bardhebluve. I ftuar në emisionin "Rubrika Sportive", Shkëlqim Muça ka analizuar këtë ndeshje duke u shprehur se Vllaznia ka probleme fizike.
"Vllaznia shënoi dhe duhet ta administronte më mirë, por u barazua shumë shpejt. Mendoj se kuqeblutë kanë problem me gjendjen fizike të disa lojtarëve, pa harruar që në mbrojtje lejojnë shumë hapësira. Tirana ka sulmuesa të shpejtë dhe e kapi në befasi mbrojtjen e Vllaznisë. Vllaznia është në një moment jo, ashtu siç mund të jetë çdo skuadër, por përsëri është e para dhe i ka mundësitë për të vazhduar".
Poll
Lexo gjithashtu
