Sot, Vllaznia ka zhvilluar seancën e radhës stërvitore në kuadër të përgatitjeve për ndeshjen e radhës kundër Egnatias, e vlefshme për javën e 13-të të Superiores. Edhe pse u mposhtën në finalen e Superkupës 3-2 nga Tirana, kuqeblutë janë optimistë se ndaj rrogozhinasve do të bëjnë mirë.
Skuadra e drejtuar nga trajneri kryeqytetas është përgatitur në fushën e Golemit, fshat në qytetin e Shkodrës. Nëpërmjet njoftimit të bërë në kanalet e informimit, klubi shkodran lajmëronte:
“Ekipi i Vllaznisë ka zhvilluar ditën e sotme seancën stërvitore të rradhës në fushën sportive të Golemit, duke vijuar në këtë mënyrë përgatitjet për ndeshjen ndaj Egnatias ku padyshim që objektivi është vijimi i serisë së rezultateve pozitive në kampionat”.
Ndeshja Vllaznia – Egnatia është programuar të luhet të hënën, në orën 16:30.
Loading ...
