Enea Koliçi nuk po kalon një periudhë të mirë te Kukësi. Futbollisti që vjet u thirr edhe nga Kombëtarja shqiptare, këtë vit është kthyer në një lojtar stoli. Pogradecari ka pësuar plot 30 gola këtë sezon, duke u fajësuar dhe nga vetë drejtuesit. Presidenti Safet Gjici, tha disa ditë më parë se nuk e di se çfarë e ka gjetur portierin.
"Nuk e di se çfarë ka Koliçi, s'është mirë. Pëson gola kot", deklaroi Gjici, i ftuar në një studio televizive.
Si pasojë, lojtari është lënë në stol, ndërsa vendin e tij e ka zënë Frashëri, i cili preferohet shumë nga trajneri Pakult.
Edhe Frashëri ka pësuar, duke zbuluar faktin se Koliçi nuk është problemi i vetëm i Kukësit, por edhe mbrojtja "çalon".
Gjithsesi, në muajt në vijim pritet që të ketë zhvillimi në lidhje me të ardhmen e Koliçit, teksa ka zëra që e lidhin atë me Skënderbeun, teksa korçarët e shohin si zëvendësuesin e Shehit.
Lexo gjithashtu
