Kristi Vangjeli duket të jetë përshtatur shpejt me ekipin rumun Astra së Xhurxhit. Ai sot ka luajtur ndeshjen e parë me klubin e tij të ri. Ish-mbrojtësi i Skënderbeut luajti që nga fillimi në barazimin që skuadra e tij arriti me Shturmin e Austrisë. Vangjeli bëri një paraqitje të kënaqshme duke e ndihmuar ekipin shumë edhe në fazë ofensive. Korccari njihet për depërtimet e tij në krah, ku ka shkëlqyer edhe me bardhekuqtë e Skënderbeut sezonin e shkuar.Edhe trajneri i skuadrës ka folur mirë për Kristin duke thënë: “Ai është një futbollist mjaft i mirë. Kam besim te eksperienca e tij. Ai është mjaft i zgjuar”, ka përfunduar tekniku Marius Shumudika.
