Derbi mbetet i tillë, pavarësisht se ku luhet. Pas përfundimit të pjesës së parë mes Tiranës U-17 dhe Partizanit U-17 (1-0), ka pasur tension në shkallët e stadiumit “Selman Stërmasi”.
Tifozëritë e dy ekipeve kanë nisur koret në distancë me njëri-tjetrin, ndërsa është dashur ndërhyrja e stjuartëve për të qetësuar gjakrat. Duhet theksuar se janë mbështetës që nuk kanë lidhje me tifo-grupet, por gjimnazistë që kanë zgjedhur të shohin nga afër këtë sfidë finale të vlefshme për Kupën e Shqipërisë.