Ndërsa skuadra e parë e Luftëtarit është me një këmbë e rënë nga Kategoria Superiore, situata është ndryshe te Akademia U-11. Edhe pse situata në vend është e vështirë prej Coronavirusit, fëmijët e bluzinjve nuk ndalen duke u stërvitur me kushtet që kanë në shtëpitë e tyre.
Në dy video të publikuara ditën e sotme, shihen dy futbollistët e vegjël, përkatësisht Mateo Sino dhe Niardo Çani që kanë zgjedhur të stërviten në ballkon dhe oborr. Xhonglime me topin, kaq mjafton për momentin duke shpresuar që situata të stabilizohet për të zbritur më pas në fushë që të vihen nën urdhrat e trajnerit të tyre.
Për ekipin e parë ky sezon ka qenë për t’u harruar. Probleme organizative, por edhe ngërçi financiar e kanë çuar skuadrën gjirokastrite në greminë, teksa vitin e ardhshëm duhet të mendojë për Kategorinë e Parë.
Lexo gjithashtu
