Stadiumi “Air Albania” është në qendër të vëmendjes nga e gjithë bota, pasi sonte në orën 21:00 do të luhet finalja e Conference League mes Romës dhe Feyenoord.
Frika për një përplasje të mundshme mes tifozërive ekziston, megjithatë rreth ambienteve të impiantit modern janë marrë gjitha masat për të mos pasur tensione.
Për këtë ka folur Naim Dani. Përgjegjësi i steëard-ëve, ka dhënë një intervistë për gazetarin Endi Tufa duke treguar edhe mënyrën se si tifozët do të mund të futen në stadium.
“Do të jetë kontrolli i pari nga policia e shtetit, që do të jenë në zonën e ambasadës italiane, te Presidenca, tek ish-Garda, te Poligoni. Do të bëhet kontrolli fizik dhe do të bëhet kontrolli vizual i biletës. Të gjithë janë të detyruar të hapin telefonin dhe të tregojnë biletën.
Pastaj janë disa pika kontrollit ku do të futen të gjithë sportdashësit që kanë bileta, të ndarë sipas numrave. Mjafton të shohësh në fund të biletës majtas dhe orientohesh direkt.
Gjatë gjithë ditës do të jenë rreth 60 steëard në stadium dhe kemi marrë masat e duhura që çdo gjë të shkojë mirë”, tregon Dani.
Ndeshja Roma – Feyenoord do të luhet sonte në orën 21:00, në stadiumin “Air Albania”.
Lexo gjithashtu
