Dje u luajt derbi mes Partizanit dhe Tiranës, ndeshje që përfundoi me rezultatin 1-0 në favor të të kuqve. Para se të fillonte supersfida, tifozët e kuq u përleshën me ata bardheblu. Pati disa të ndaluar nga uniformat blu, ndërkohë që u dëmtua dhe lokali i një prej gjyqtarëve të Superiores, Astrit Mahmuti. Ky i fundit është arbitër linje në elitën e futbollit shqiptar, por prej disa javësh vijon të jetë i pezulluar.
Ai ka qenë protagonist në ndeshjen Kastrioti – Laçi (1-0), luajtur me 27 dhjetor të vitit që lamë pas. Elbasanasi ishte gjyqtari pas porte që akordoi penallti në favor të kurbinasve, por që u humb nga Redon Xhixha. Pamjet filmike tregonin se ai kishte gabuar në vendimin e tij dhe për këtë u dënua në heshtje siç ndodh rëndomtë nga organet kompetente të Federatës Shqiptare të Futbollit.
Dje, ai e pësoi nga tifozët e derbit të kryeqytetit në një moment kur nuk kishte të bënte aspak me ndeshjen.
Loading ...
