Atalanta-Inter nuk shkoi më shumë se një barazim 0-0. Sfida e javës së 22-të të Serie A e luajtur ditën e djeshme nuk prodhoi asnjë fitues, por ka prodhuar polemika pas përfundimit.
Te Atalanta prentendojnë për një penallti të padhënë në favorin e tyre. Në minutën e 80-të të ndeshjes, Pasalic gjuan me kokë brenda zonës, ndërsa topi devijohet me dorë nga D’Ambrosio që e nxjerr në goditje nga këndi.
Gjyqtari i takimit nuk e shikon këtë rast, ndërsa as VAR nuk ndërhyn duke shpëtuar Interin nga pësimi i golit. Ky rast ka shkaktuar polemika në Itali me tifozët që kanë shpërthyer në rrjetet sociale.