Herald Marku festoi mbrëmjen e djeshme ditëlindjen e tij të 26-të dhe organizoi një festë shumë të madhe, ku ishin prezentë miq të tij dhe kolegë të tjerë futbollistë. Gjatë gjithë festës, nuk munguan videot e fotot e publikuara.
Por video që ka marrë më shumë vëmendje, është ajo e fundit të festës, ku Herald Markut i është dashur të notojë. Kjo pasi mbrojtësi i Skënderbeut, Dajan Shehi, së bashku me disa miq të tjerë, e kanë hedhur Herald Markun në pishinë.
Ka përfunduar në këtë mënyrë ditëlindja e mesfushorit të Partizanit, i cili bëri edhe rolin e këngëtarit në këtë festë, por që u ngacmua menjëherë nga lojtari i Kukësit, Emiljano Musta. Kujtojmë që Dajan Shehi, Musta dhe Marku, kanë qenë shokë skuadre te Partizani.