Pep Guardiola ka folur për Leo Messin duke shpjeguar disa arsye sepse ai është ndër lojtarët më të mirë në botë dhe unik në llojin e tij. Që të dy punuan së bashku te Barcelona duke e kthyer ekipin katalanas në një superfuqi dhe duke fituar çdo titull të mundshëm. Vendosja e Messit në rolin e 9-çit fals ishte një meritë e trajnerit spanjoll duke i dhënë sulmuesit argjentinas hapësirën e nevojshme në sulm. Në dokumentuarin "Amazon Prime This Is Football", Guardiola ka shpjeguar disa detaje se pse Messi është aq spektakolar.
"Ai nuk është asnjëherë jashtë lojës. Ai është i përfshirë. Lëvizja e kokës. Djathtas, majtas, majtas, djathtas. Ai merr erë cila është pika e dobët e katër mbrojtësve. Pas pesë, dhjetë minutash, ai e ka hartën. Ai e di nëse unë lëviz këtu, këtu, do të kem më shumë hapësirë për të sulmuar.
Oh, është gjeni! Kjo është mjaft e jashtëzakonshme. Ne jemi në një kohë me atë djalë. Kështu që kënaquni në këto vitet e fundit me spektaklin e tij. Ai është unik në llojin e tij", deklaroi ndër të tjera Pep Guardiola.
Lexo gjithashtu
