Dinamo fitoi dje 0-1 me Orikumin për ndeshjen e javës së 12 në Kategorinë e Parë, grupi B. Tej duelit të luftuar, në stadiumin e Orikumit kishte dhjetra tifozë, në kundërshtim me të gjitha masat e parashikuara për situatën anti-covid. Pa distancim fizik dhe pa maska, dhjetra tifozë të Orikut ishin në stadium, duke shkelur çdo masë mbrojtëse të miratuar edhe nga FSHF.
Në pamjet e publikuara nga gazetari Artan Hoxha, duket qartë se drejtuesit e klubit jugor nuk kanë marrë si duhet masat, duke lejuar që në stadium të ketë më shumë tifozë se çfarë është parashikuar në këto rrethana. Tanimë pritet një vlerësim nga Komisioni i Disiplinës, teksa kujtojmë se edhe Vllaznisë në Superligë iu “tërhoq veshi” pak javë më parë për një fenomen të tillë.
Loading ...
