Skënderbeu është padyshim ekipi shqiptar më i suksesshëm në dekadën e fundit. Shtatë tituj të fituara dhe pjesëmarrja në grupet e Europa League, ka sjellë entusiazëm në Korçë.
Dënimi i UEFA-s për mospjesëmarrje në kompeticionet Europiane nuk e ka zbehur ecurinë e Ujqërve, që këtë sezon gjenden në vendin e katërt, dy pikë më pak nga pozita e dytë e klasifikimit.
Korçarët kanë publikuar pamjet e festës për titullin e tetë në histori, ndodhur kjo 2 vite më parë. Stadiumi “Skënderbeu” i tejmbushur me tifozë që brohorasin, ndërsa presidenti i FSHF-së Armand Duka i dorëzon trofeun e kampionit, portierit dhe kapitenit Orges Shehi.
