Menaxheri i njohur sportiv, Andi Matraxhiu i ka bërë një apel nëpërmjet rrjeteve sociale kryebashkiakut të Elbasanit. Si një tifoz i vjetër i ekipit të futbollit, Matraxhiu ka postuar veç të tjerash edhe një video, teksa i kërkon kryebashkiakut Gentian Llatja që të ngrejë një grup pune për të shpëtur ngjyrat verdheblu.
Aktualisht Elbasani bën pjesë në Kategorinë e Parë, teksa prej vitesh nuk gjen shpëtim financiar apo sportiv. Në këto kushte, si një tifoz dhe mbështetës i hershëm, Matraxhiu ka një apel për të gjithë, teksa nismës së tij i janë bashkuar edhe figura të njohura. Një ndër futbollistët, që aktualisht luan në Shtetet e Bashkuara të Amerikës me Fc Tulsa, Vangjel Zguro i është bashkuar apelit të menaxherit, për të shpëtuar një klub me tradita si Elbasani.
Loading ...
