Sfida e sotme midis Shqipërisë dhe Italisë është një përballje e zjarrtë midis dy ekipeve që njihen për lojën me karakter luftarak dhe të vendosur. Por Skocia nuk është një terren i panjohur për teknikun e përfaqësueses sonë Christian Panucci.
Plot 11 vite më parë, në kohën kur luante me fanelën e Italisë, Panucci dhe shokët e tij kaluan një nga netët më të vështira të karrierës, por mbrojtësi i Romës në atë kohë e ktheu dramën në fitore.
Në "Hampden Park" aty ku luajnë sot kuqezinjtë, Panucci shënoi golin jetik që e shpëtoi Italinë nga moskualifikimi i turpshëm në kampionatin europian të vitit 2008. Në 91' italiani kërceu mbi mbrojtësit skocezë dhe shënoi saktë me kokë duke i çuar automatikisht kampionët e botës të 2006 drejt Zvicrës dhe Austrisë ku u organizua EURO 2008. Dje në konferencën për shtyp, kur gazetarët i kujtuan këtë moment, Panucci deklaroi se mbetet një nga një nga çastet më emocionuese të karrierës së tij. Ai do të kërkojë të përsërisë historinë, por këtë herë nën kostumin e trajnerit.
https://youtu.be/ApXoUQC4ujg
