Në kuadër të 90 vjetorit të krijimit, Federata Shqiptare e Futbollit vijon me publikimin e videove që tregojnë pak nga sukseset e Kombëtares në të shkuarën. Bëhet fjalë për një 90 minutësh të 17 dhjetorit 1967, me kuqezinjtë që ndalin me rezultatin 0-0 një rival si Republika Federale e Gjermanisë.
Vlen të theksohet reparti i prapavijës, që duket se ishte në ditët më të mira. Titullarë ishin lojtarë me ”peshë” si : Zhega, Pano, Vaso etj. Gjermanët e nënvlerësuan skuadrën rivale, ndërkohë që fusha tregoi se diferencat nuk ishin të mëdha.
