Inter nuk ka arritur të marrë një rezultat pozitiv në ndeshjen e fundit miqësore kundër Villarreal. Zikaltërit janë mposhtur me 4-2 nga spanjollët të cilët s’e diskutuan në asnjë moment triumfin. Të parët që shënuan ishin miqtë, të cilët zhbllokuan rezultatin me Pedrazën në minutën e 29-të. Ndërkaq Romelu Lukaku barazoi në të 36-tën. Por, në 45 minutat e para ishin sërish spanjollët që realizuan me Coquelin duke vulosur shifat 1-2 në pjesën e parë.
Fraksioni i dytë i lojës nisi mirë sërish për Villarreal që realizuan në minutën e 48-të me Pedraza. D’Ambrosio shkurtoi diferencat në 2-3 në minutën e 66-të. Edhe pse të besuarit e Inzaghit tentuan barazimin atëherë kur nuk pritej, Villarreal vulosi shifrat në 2-4 me Jackson. Kjo ishte miqësorja e fundit e zikaltërve që bëhen gati për sezonin e ri futbollistik që nis me 13 gusht. Duhet vënë pah fakti që në këtë takim e nisi si titullar Kristjan Asllani. Mesfushori i kombëtares sonë ishte protagonist në golin e parë të zikaltërve, pasi nga këmbët e tij nisi gjithçka.
ROMELU!
— Inter (@Inter) August 6, 2022
[1-1]#InterVillarreal #ForzaInter pic.twitter.com/CRCit9JMih
Lexo gjithashtu
