Ndeshja e raundit të parë për meshkuj në tenis në turneun Masters të Majemit mes çekur Jiri Vesely dhe amerikanit Tommy Haas, është ndërprerë për disa minuta. Shkak është bërë një iguana, që ka hyrë në fushën e lojës. Fillimisht zvarraniku ka qëndruar me tabelën elektronike dhe më pas përshkoi gjithë fushën e lojës, teksa përpiqej t’u shpëtonte kapësve. Dhe në fund u ngjit në tabelën tjetër elektronike, që ndodhej në këndin tjetër të fushës, ku dhe u kap nga punonjësit e fushës. Çeku Vesely, i pamësuar me të tilla kafshë, pati frikë dhe merrte sqarime nga gjyqtari i takimit, ndërsa rivali i tij Haas, bëri një selfie me kafshën dhe e postoi në “Instagram”. Për kronikë, ndeshja u fitua 2-1 (6-7, 6-3, 7-5) nga Vesely. https://www.youtube.com/watch?v=gz3k1PnPens

Special selfie @miamiopen , thanks for coming out to watch some Tennis

A post shared by tommy haas (@tommyhaasofficial) on Mar 22, 2017 at 3:53pm PDT