VIDEO/ Gol në sfidën ndaj Ramadanit dhe Muçollit, sulmuesi i Kombëtares U21 tund rrjetën në Danimarkë

Është luajtur ditën e sotme sfida e javës së 28-të të kampionatit në Danimarkë mes Horsens dhe Vejle. Në fushë kishte edhe derbi shqiptarësh pasi për vendasit luante Lirim Qamili, ndërsa te Vejle Ylber Ramadani dhe Arbnor Muçolli.

Sfida është mbyllur me rezultatin 3-3, ndërsa goli I 3-të për vendasit është shënuar nga Qamili. Në minutën e 52-të, ai përfiton nga një gabimi i lojtarit të Vejle dhe gjuan saktë duke mposhtur portierin kundërshtar. Ky ishte goli i dytë për Qamilin në kampionatit danez në 22 ndeshje.

22-vjeçari është grumbulluar disa herë nga trajneri Alban Bushi te Kombëtarja U21, ndërsa mund të jetë një opsion i mirë edhe për trajnerin Reja për miqësoret e muajit qershor.