Frederic Veseli ka gjetur rrjetën në Serie B në Itali. Salernitana e tij fitoi 0-3 në transfertë me Virtus Entelën, ndërsa mbrojtësi i Kombëtares ka hapur sfidën në minutën e 10. Pas një pasimi nga Klynie, shqiptari nuk është menduar 2 herë duke provuar nga 25 metra.
Diagonalja “vrasëse” ka befasuar portierin, me Veselin që ka shënuar një supergol nga distanca. Për mbrojtësin ky është realizimi i parë këtë sezon. Kujtojmë se lojtari ishte në fushë për kuqezinjtë e Edy Rejas në sfidat kualifikuese të Botërorit, ndërsa është titullar në skuadrën e tij.