Kukësi u mund nga Tirana ditën e sotme me rezultatin 0-1. Një humbje që ka bërë që Partizani të largohet me 8 pikë nga verilindorët. Por te Kukësi duket se nuk e kanë kapërdirë ende humbjen e sotme dhe klubi ka publikuar një video për raste e dyshimta të ndeshjes. Kukësianët pretendojnë se goli i Dokës ishte në pozicion jashtë loje, pasi goditje e Karabecit plaset ne trupin e Ngoo dhe më pas Doka e dërgon në rrjetë.
Doka ishte sërish protagonist, kësaj radhe në minutat e para të sfidës. Një top i prekur nga mbrojtësi shkon rrezikshëm drejt portës së mbrojtur nga Abibi, i cili largon me duar në goditje këndi. Kukësi pretendon për faull, por gjyqtari akordon goditje nga këndi.
Verilindorët kanë dhe një pretendim për penallti, pas një topi të ndalur nga mbrojtësi i majtë, Erion Hoxhallari por, për gjyqtarin gjithçka është e rregullt. Klubi i Kukësit ka paraqitur këto raste me anë të një videoje, ku tregohen momentet e diskutueshme sipas tyre.
Lexo gjithashtu
