
Klubet e Superiores i kanë dërguar stafet dhe lojtarët e tyre në shtëpi, derisa gjendja nga Coronavirus në vend të vijë duke u stabilizuar dhe të ketë një urdhër të dytë për daljen sërish në fushën e blertë. E megjithatë qëndrimi në shtëpi nuk do të thotë pushim absolut, pasi shumica e stafeve teknike iu kanë dhënë lojtarëve programe specifike për t’i ndjekur ndërkohë që qëndrojnë të izoluar.
Kjo gjë duket se po ndodh edhe me ekipin e vendit të parë në Superiore, Tiranën, teksa shembullin më të mirë e jep trajneri i tyre, Emanuel Egbo. Së fundmi tekniku i bardhebluve ka publikuar një video në rrjetet sociale duke bërë nxehmjen e muskujve, teksa qëndron para televizorit duke ndjekur gjithashtu dhe lajmet më të fundit nga vendi.