Dje, Partizani luajti kundër Tiranës, ndeshje që përfundoi me rezultatin 1-0 në favor të të kuqve. Kjo sfidë pati shumë episode, ndërsa ai që shkëlqeu në radhët e të besuarve të Ilir Dajës ishte Jasir Asani. Mëngjërashi u zëvendësua në minutën e 77-të duke i lënë vendin Eraldo Çinarit. Mirëpo 25-vjeçari nuk qe dakord me vendimin e Ilir Dajës.
Në video shihet momenti kur Asani del nga fusha i nervozuar, ndërsa në fund është trajneri i Partizanit ai që e ndalon duke i shpjeguar dhe dhënë kurajo. Gjithçka mbyllet aty për aty dhe në fund të gjithë festojnë.
Ndërkohë vlen për t’u përmendur një fakt interesant. Jasir Asani, prej më shumë se 3 vitesh pjesë e Partizanit, nuk ka humbur asnjë derbi. Në fitoren 2-1 të Tiranës në dhjetor 2019-tës, mëngjërashi kishte përplasje me trajnerin Lerda dhe s’ishte në fushë, ndërsa në triumfin e thellë 5-1 të kryeqytetasve ai ishte i huazuar në Suedi. Pra, Jasir Asani mund të konsiderohet “macja e zezë” për Tiranën, ndërsa njeriu fatsjellës për të kuqtë.
Loading ...
