Napoli 2-1 Juventus (Kvaratskhelia 42', Raspadori 88' / Chiesa 81')
Napoli mposht Juventusin në Maradona Stadium në një ndeshje që dhuroi emocione spektakolare sidomos në fundin e saj. Kvaratskhelia i dha avantazhin në pjesën e parë me një supergol me gjysmë-roveshatë, ndërsa e dyta kapi kulmin në minutat e fundit.
Chiesa do të rikthente baraspeshën në minutën e 81’, por 6 minuta më vonë, Osimhen do të fitonte një 11-metërsh që do ta gjuante po vetë. Nigeriani gabon, por Raspadori është i shpejtë për të korigjuar gjithçka duke shtyrë topin në rrjetë dhe për t’i dhënë 3 pikë të arta napoletanëve.
Napoli tani ngjitet në vendin e 7-të me 43 pikë, 3 më pak se Atalanta, 4 nga Roma dhe 8 pikë nga Bologna e vendit të 4-të që të dërgon në Champions. ‘Zonja’ nga ana tjetër mbetet në vendin e dytë, por vetëm 1 pikë mbi Milanin që e kërcënon për vendin e dytë.
Formacionet zyrtare:
Napoli (4-3-3): Meret; Di Lorenzo, Rrahmani, Juan Jesus, Olivera; Anguissa, Lobotka, Traore; Politano, Osimhen, Kvaratskhelia. Trajner: Calzona.
Juventus (3-5-2): Szczesny; Rugani, Bremer, Alex Sandro; Cambiaso, Alcaraz, Locatelli, Miretti, Iling Junior; Vlahovic, Chiesa. Trajner: Allegri.
Komenti minutë pas minute:
90+5' Përfundon ndeshja.
87' Penallti për Napolin, Osimhen e fiton dhe e gjuan po vetë, Szcesny e pret, por Raspadori i fut në rrjetë. (VIDEO)
81' Kur nuk e priste askush, Federico Chiesa rikthen baraspeshën dhe shtang Napolin. (VIDEO)
78' Di Lorenzo ul një top në kufij të zonës dhe godet me të majtën, por i pasaktë duke ngritur shumë lart topin.
61' Dusan Vlahovic godet diagonal drejt portës, por pret Meret.
53' Rast i artë nga Cambiaso, i del topi në zonë dhe godet, por mbi kuadrat. (VIDEO)
46' Nis pjesa e dytë.
45+1' Mbyllet pjesa e parë.
42' Supergol nga 'Kvaradona', ylli i Napolit shtang Juventusin me një gjysmë-roveshatë. (VIDEO)
35' Iluzion goli nga Vlahovic, serbi i kalon topin sipër portierit, por ndalet vetëm nga shtylla. (VIDEO)
31' Kundërsulm i Juventus, Chiesa pason për Cambiaso i cili hedh një top drejt zonës që gjen Iling të vetëm. Anësori gjuan me të parën, por nuk koordinohet si duhet. (VIDEO)
27' Politano gjuan fort nga goditja e dënimit dhe Szczesny nuk ia del ta bllokojë me të parë, Anguissa vjen me shpejtësi, por polaku arrin topin në momentin e fundit. (VIDEO)
23' Pasim i rrezikshëm i Ruganit për Szczesny, i cili një çast para ardhjes së Osimhenit, arrin ta shtyjë topin jashtë zonës.
21' Iling mbërrin pranë zonës dhe tenton goditjen, pa i shkaktuar probleme Meret.
10' Krosim nga e djathta e Chiesa për Vlahovic, i cili me kokë e dërgon ngjitur me shtyllën.
8' Kvaratskhelia shfrytëzon pasimin e Oliveras dhe driblon në kufij të zonës. Godet me të djathtën, por bllokohet nga mbrojtja.
1' Nis ndeshja në Maradona Stadiu, ekipet duan fitoren.
Lexo gjithashtu
